|
|
|
Сагышың исән икән
Рәшит Әхмәтҗанов сүзләре
Мәсгудә Шәмсетдинова көе
Ай яктысын шәлләр итеп
Ябармын иңнәреңә,
Тагын бер кат сөенерсең
Дөнъяга килгәнемә.
Сәфәрдә чакта гөлләрне
Мин эзләп үбеп китәм,
Кайгыларың таралса да,
Сагышың исән икән.
Һавадан да килә тавыш,
Һәм җирдән дә ишетәм,
Ачылыр да күк капусы -
Әнкәй керер ишектән.
Ай яктысын шәлләр итеп
Ябармын иңнәреңә,
Тагын бер кат сөенерсең
Дөнъяга килгәнемә.
Оригиналы:
Исемдә, әнкәй, исемдә,
Чәчәкләр яратканың,
Хәтерлим нинди чәчәкләр
Кайгыңны таратканың.
Сәфәрдә чакта гөлләрне
Мин эзләп үбеп китәм,
Кайгыларың таралса да,
Сагышың исән икән.
Зәңгәр чәчәкләр – шатлыгың,
Сарысы – сагышларың,
Ишетәм – әнкәң сагынган,
Кайт, - дигән тавышларын.
Һавадан да килә тавыш,
Һәм җирдән дә ишетәм,
Ачылыр да күк капусы -
Әнкәй керер ишектән.
Ай яктысын шәлләр итеп
Ябармын иңнәреңә,
Тагын бер кат сөенерсең
Дөнъяга килгәнемә.
Ноты к этой песне находятся lib.tatars.com
http://lib.tatars.com/media/lib/scores/pdfs/rashitaxmetzanov_luPH7Wi.pdf
|